日期
題目
內容
收聽連結
2018-12-10
完成首個音樂會的歌手胡鴻鈞(Hubert),於騷後受訪講到造型上Keep住做「花花公子」,又指自己破天荒跳舞,即被記者笑話得幾吓,問到之前不是說要比吳業坤、許廷鏗跳得更好?他信心爆棚話已完勝:「贏咗啦!大家要明白除咗肢體動作,表情都好緊要,我個表情已經贏咗!(即係覺得佢哋有太多花巧動作? )咁又唔同,佢嘅Style同我嘅Style唔同,大家各有千秋,但我覺得可以再做好啲,希望下次有多啲時間準備。」問到被Dancer摸胸可有反應?Hubert抵死反問:「佢哋有冇反應就真嘛?問我有冇反應?(你有冇心跳加速?)我覺得佢哋有心跳加速,兩邊加埋42吋胸肌喎!咁係個效果啫,成首歌感覺Sexy啲。(Sexy唔着少啲衫?)唔想畀啲肉搶Focus,專注番舞蹈。」講到於台上唱情歌Medley前表示身邊有一個人一直影響自己,笑問對象是否好友許廷鏗(Alfred)?他即刻否認:「如果係送畀佢會指明,就好似送《忍》畀Mag(林欣彤)咁,都好大方講,如果真係送畀Alfred就一定會話送畀佢。(但入面有首歌《旅行的意義》,你哋唔係一齊去旅行?)係去咗旅行,但呢段Medley真係唔好意思,唔係送畀佢。」咁送畀邊個?Hubert仍然大賣關子,繼續封口話:「對我生命好緊要嘅人,但佢唔係喺呢行,就冇必要講。(男仔定女仔?)唔係男就女啦,但係女仔嚟嘅。(係咪要自爆話有圈外女朋友?)唔關事!係影響我好多嘅女仔,Keep住亦師亦友。(今晚有嚟?)應該有啩,有請佢嘅。」老闆何哲圖都有到場力撐。
收看節目
收聽節目 下 載
瀏覽人次:49667次
2018-12-10
收看節目
收聽節目 下 載
瀏覽人次:49647次
2018-11-13
「第2屆中韓國際電影節」昨晚於南韓首爾奧林匹克公園奧林匹克中心舉行,香港電影《黃金兄弟》為港爭光,男主角之一的鄭伊健獲「最受歡迎男人氣明星獎」,導演錢嘉樂勇奪「最佳動作導演獎」,電影音樂總監陳光榮獲得「OST獎」,是這部電影的第一個獎項。 伊健原來與韓國很有緣,事關約十年前他已為當地手機品牌第一代型號做代言人,上台領獎時,他更以韓語打招呼,然後以普通話致謝詞:「相信今年我得到這個獎項,是因為電影《黃金兄弟》的成功,謝謝電影團隊和大家支持。」三人受訪時,錢嘉樂表示感謝大會對動作電影導演的重視,他還拍一拍身旁伊健,笑說:「希望我啲兄弟願意繼續拍我嘅動作片,唔怕受傷。」他又指陳光榮是《黃金兄弟》鏡頭外的第六個兄弟:「我喺伊健演唱會裏發現佢同陳光榮男人之間嘅愛,合作『歲月友情演唱會』後就更加肯定陳光榮好了解我哋五兄弟、好愛我哋,所以我同曾志偉講電影配樂一定要搵佢做,我果然好有眼光!」 最近《黃金兄弟》推出電影原聲唱片,反應熱烈,伊健表示今次除了將電影帶到韓國,唱片原聲碟亦在當地上架,可透過實體碟和網上音樂平台延續電影的情懷。他說:「我哋幾兄弟一齊唱歌、開演唱會、拍電影、出原聲碟,依家攞埋獎,真係好圓滿。」
收看節目
收聽節目 下 載
瀏覽人次:37229次
2018-11-08
無綫藝人李嘉早前在機緣巧合下,在內地火車上邂逅來自俄羅斯的女子,兩人一拍即合,展開異地戀,至今已拍拖半年。可惜好景不常,女友上月發現腦部有腫瘤,要在俄羅斯動手術。情深的李嘉不僅接了多部微電影來幫補醫藥費,更承諾手術成功便會與她結婚,兩人一直走下去! 別看他只懂武刀弄劍,其實也有鐵漢柔情的一面。熱戀半年的李嘉最近飛到女友家鄉見家長,一家人玩煮飯仔之餘,又玩射擊,更讓其家人替他「理髮」,可見融入家中。他還將「見家長」照片分享到社交網,更以俄文發表愛的宣言:「我的最愛」、「謝謝你喜歡我,我愛你」、「溫暖的俄羅斯,謝謝親愛的」,幸福滿瀉。可惜上月女友不幸發現腦部有腫瘤,今個月要接受腦部手術。拍劇、教功夫兼經營飲食生意的他,為抽時間陪伴患病女友,坦言已辭任餐廳股東,且接了多部微電影工作,希望幫補女友醫藥費,他續說:「放得太多時間喺搵錢度,會忽略身邊人。如果大步檻過,而佢願意,我會同佢一齊。(係咪結婚?)係,依家我淨係想佢開心同渡過難關。」李嘉亦盡量留在當地陪伴女友,全力照顧。他透露平日雙方以英語溝通,自己更主動學俄語,希望了解女友的文化:「因為唔似香港咁同聲同氣,不過語文不通,反而更加細心去觀察對方同內心感覺。」
收看節目
收聽節目 下 載
瀏覽人次:39758次
2018-11-02
收看節目
收聽節目 下 載
瀏覽人次:37380次
2018-09-27
陳奕迅(Eason)宣傳新碟《L.O.V.E.》及自資舉辦的慈善音樂會,並會親自在節目中接聽眾電話、送出少量門票。Eason大方指任由聽眾來電發問,一向「無界線」,但講明不一定撥通電話的聽眾就有門票,要視乎是否一個有愛心的人。 開咪前,Eason表示與其duo band團隊定於下月27日在中環摩天輪底空地舉行一場慈善音樂會《LOVE IS LIVE》,笑言:「今次真係『核心內圍』,都要向明福俠請教吓,並且收到明福俠月餅,好多謝,好正!」笑問能否益核心外圍?他稱因有聲浪管制,需要協調。他續指一直想辦場有意義的演出、以回餽贈社會,但由於籌辦過程中涉及許多安全及技術性問題,一度想放棄用捐錢取代,幸好皇天不負有心人,終於一切ok,將招待逾十個慈善機構,約千多個多額,受惠者主要是年青人,因有些可能基於沒時間或能力,連中環也沒有機會去過,並會實施對名制。此舉豈非要多花人力物力和財力?Eason即說:「今次唔講錢,只想用好多的愛做一些細微的事,以音樂治癒失去希望的人,發揮正能量,相信心存好事,能量就能散播。」 鑑於已故的慮凱彤也是duo band團隊成員,是否特別關注有情緒困擾的年青人?Eason直言的確有想過邀請有自閉症及情緒病患者,但擔心到會發生一些難以控制的環境,始終今次是一場實驗,希望能吸收多些經驗,有機會再辦。他又笑謂:「我仍會做商業演出,都要搵餐飯食吓嘛;到時不單止有大量門票,還希望能用音樂治癒更多有需要幫助的人。」
收看節目
收聽節目 下 載
瀏覽人次:36560次
2018-08-22
收看節目
收聽節目 下 載
瀏覽人次:42809次
2018-08-21
收看節目
收聽節目 下 載
瀏覽人次:45327次
2018-08-13
收看節目
收聽節目 下 載
瀏覽人次:52791次